बझाङको वित्थडचिरमा भीरबाट लडेर एक जना युवतीको मृत्यु

बझाङमा भीरबाट लडेर एक जना युवतीको मृत्यु भएको छ । बित्थडचिर गाउँपालिका वडा नम्बर ६ का पार्वती स्याँडाको आज दिउँसो खर काट्ने क्रममा भीरबाट लडेर मृत्यु भएको हो ।

उनको आज दिउँसो करिब २ बजेतिर घर नजिकैको काचडा भन्ने भीरमा खर काट्ने क्रममा मृत्यु भएको पारिवारिक स्रोतले जनाएको छ । उनका एक छोरा छन् । योसँगै गत श्रावणदेखि कात्तिक दोस्रो सातासम्म बझाङमा रुख र भिरबाट लडेर चार पुरुष र तीन महिला गरि ७ जनाको मृत्यु भएको छ ।

बझाङको थलारा गाउँपालिका–८ पण्डित गाउँका ५५ वर्षीय गंगादत्त पण्डित र जयपृथ्बी नगरपालिका–७ खगेडाका ८ वर्षीय बिजय सार्की र जयपृथ्वी नगरपालिका ३ का ज्ञानु वडको रुखबाट खसेर मृत्यु भएको छ । जयपृथ्बी नगरपालिका–३ पडेंसका ५५ वर्षीय रामचन्द्र रोकाया र बित्थडचिर गाउँपालिका–९ उडीकी ४५ वर्षीया गौमतीदेवी बोहरा र केदारस्युँ गाउँपालिका–८ रजाडाकी १७ वर्षीया हिउकला बोहराको भिरबाट लडेर मृत्यु भएको छ।