बुंगलमा जारी भलिबल प्रतियोगितामा जयपृथ्वीका महिला टिमको लगातार दोस्रो जीत

बुंगल नगरपालिकाको सरस्वती मावि बिजगडा प्राङ्गणमा जारी भलिबल प्रतियोगीतामा आज ७ खेल भएका छन् । आज पुरुष तर्फ ४ खेल र महिला तर्फ ३ खेल सम्पन्न भएका हुन् । 

आज पुरुष तर्फ पहिलो खेल बुंगल नगरपालिका र जयपृथ्वी नगरपालिकाबीच भएको थियो । यस खेलमा बुंगल नगरपालिकाले दुई एक सेटले जयपृथ्वी नगरपालिकालाई पराजित गरेको छ । दोस्रो खेलमा केदारस्युँ गाउँपालिका र बुंगल नगरपालिका बी बीच भएको थियो जसमा केदारस्युँ गाउँपालिकाले बुंगल बीलाई दुई सुन्य सेटले पराजित गरेको छ । 

मष्टा गाउँपालिका र वित्थडचिर गाउँपालिकाबीचको तेस्रो खेलमा वित्थडचिर गाउँपालिकाले दुई एक सेटले मष्टालाई हराएको छ । यस्तै थलारा र केदारस्युँ गाउँपालिका र केदारस्युँ गाउँपालिकाबीच भएको चौथो खेलमा केदारस्युँले दुई एक सेटले थलारालाई पराजित गरेको छ । उता महिला तर्फ भएका तीन खेलमा जयपृथ्वी नगरपालिकाको महिला टिमले लगातार दुई खेलमा जीत हात पारेको छ । 

आज भएको पहिलो महिला तर्फको खेलमा जयपृथ्वी नगरपालिका र बु‌गल नगरपालिका भिडेका थिए । यस खेलमा जयपृथ्वी नगरपालिकाले बुंगल नगरपालिकालाई दुई सुन्यको सोझो सेटमा हराएको छ । बुंगल नगरपालिका बि र बित्थडचिरबीच भएको दोस्रो खेलमा बित्थडचिरले जीत हात पारेको छ । उसले बुंगल बीलाई पनि दुई सुन्यको सोझो सेटले पराजित गरेको हो । र 

केदारस्युँ र जयपृथ्वी नगरपालिकाबीचको तेस्रो खेलमा जयपृथ्वी नगरपालिकाले केदारस्युँ गाउँपालिकालाई दुइ सुन्यको सोझो सेटमा हराएको छ । बुंगल नगर खेलकुद विकास समितिद्धारा सञ्चालन भइरहेको जिल्ला अन्तर पालिका स्तरिय भलिबल प्रतियोगीतामा पुरुष ८ टिम र महिला ६ टिम सहभागी रहेको बुंगल नगर खेलकुद विकास समितिका सदस्य सुरेश ताम्राकारले बताउनुभयो ।