सुदूरपश्चिम

पडेशमा यही कात्तिक २३ गतेबाट वडास्तरिय खुल्ला महिला पुरुष भलिबल र देउडा प्रतियोगिता

प्रताप ओली

मंगलबार, कात्तिक २१, २०८०

जयपृथ्वी नगरपालिका - ३ पडेशमा वडास्तरिय खुल्ला महिलापुरुष भलिबल प्रतियोगिता आयोजना हुने भएको छ । वडा कार्यालयको आयोजनामा तागासेलाईको अवसर पारेर वडास्तरिय खुल्ला महिलापुरुष भलिबल प्रतियोगिता र देउडा प्रतियोगिता आयोजना गरिने भएको हो ।

आज जयपृथ्वी नगरपालिका वडा नं ३ ले एक सूचना जारी गर्दै यहिँ कार्तिक २३ गते पडेस खेल मैदानमा उक्त कार्यक्रम सञ्चालन गर्ने जनाएको छ । प्रतियोगितामा पुरुष तर्फ प्रथम पुरस्कार रु. ५१ हजार १ सय ११, द्धितिय पुरस्कार रु. ३१ हजार १११ र तृतिय पुरस्कार रु. २१ हजार एक सय ११ रहेको छ ।

टिम दर्ता शुल्क रु. ५ हजार रहेको छ । महिला तर्फ भलिवल प्रतियोगितामा प्रथम पुरस्कार रु. २५ हजार, द्धितिय रु. १५ हजार र तृतिय पुरस्कार रु. १० हजार रहेको छ भने टिम दर्ता शुल्क २५ सय रहेको छ । साथै वडा कार्यलयले जारी गरेको सुचनामा कार्यक्रम अवधिभर कार्यक्रम स्थल वरपर मदिरा विक्रि वितरण तथा सेवन निषेध गरीएको समेत उल्लेख गरिएको छ ।

प्रकाशित मिति: मंगलबार, कात्तिक २१, २०८०

प्रतिक्रिया दिनुहोस्

प्रताप ओली

प्रताप ओली जयपृथ्वी एफएम ९६.३ मेगाहर्ज बझाङका संस्थापक अध्यक्ष हुन् । उनी विगत ८ वर्षदेखि बझाङबाट समसामयिक विषयमा कलम चलाउँदै आएका छन् । हाल उनी अन्नपूर्ण पोष्ट दैनिकका बझाङ संवाददाता पनि हुन् ।

थप सुदूरपश्चिम