जाजरकोटमा फेरि भूकम्प, बझाङमा पनि धक्का महशुस

जाजरकोटमा फेरि भूकम्पको धक्का महशुस भएको छ। सोमबार ४ बजेर ३१ मिनेटमा जाजरकोट केन्द्रविन्दु भएर ५.८ रेक्टर स्केलको भूकम्प गएको भारतीय भूकम्प मापन केन्द्रले जनाएको छ। उक्त भुकम्पको धक्का बझाङ लगायत केही सुदूर पहाडका जिल्लामा पनि महशुस गरिएको छ ।

भूकम्पपछि मानिसहरूको भागदौड मच्चिएको छ । शुक्रबार राति ठूलो भूकम्प गएपछि त्यसको पराकम्म  जाने क्रम जारी छ। भूकम्पमा परी जाजरकोट र रुकुम पश्चिममा १५३ जनाको मृत्यु भएको छ भने करिब २ सय जना घाइते भएका छन्।

पराकम्पहरू निरन्तर आइरहेपछि जाजरकोट र रुकुम पश्चिमसँगै आसपासका जिल्लाका स्थानीयहरू त्रसित भएका छन्।