खप्तडछान्नामा चर्चित माझिगाउँ दशै मेलाको रौनक सुरु, देउडादेखि क्रिकेटसम्म हुँदै

बझाङ : खप्तडछान्ना गाउँपालिकामा माझिगाउँ दशै मेलाको उद्धघाटन गरिएको छ । हरेक वर्ष दशैं तथा शुभदिपावलीको अवसरमा सञ्चालन गरिदै आएको चर्चित माझिगाउँ दशै मेलाको आज एक औपचारिक कार्यक्रमका बिच उद्धघाटन गरिएको हो । 

माझिगाउँ दशै मेला सञ्चालन समितिका अध्यक्ष अरुण रोकायाको अध्यक्षतामा सुरु भएको कार्यक्रममा पुर्व राज्य तथा परराष्ट्र मन्त्रि एवं नेपाली काङ्ग्रेसका नेता अर्जुनजंग बहादुर सिहँ प्रमुख अथिती रहनुभएको थियो । विशिष्ट अतिथीमा पुर्व राज्य तथा खेलकुद मन्त्रि नरेश बहादुर सिहँ रहनुभएको थियो । कार्यक्रममा जिल्ला समन्वय समिति प्रमुख नर बहादुर बोहोरा, गाउँपालिकाका अध्यक्ष उत्तम रोकाया लगाएत जनप्रतिनिधिहरु, खेलाडी, खेलप्रेमि लगाएत स्थानियहरुको उपस्थिती रहेकोे थियो ।

मेलाको अवसरमा खुल्ला पुरुष भलिबल प्रतियोगिता, पालिकास्तरिय महिला भलिबल प्रतियोगिता, बृहत देउडा प्रतियोगिता, दोहोरी लगाएत विभिन्न सांस्कृतिक कार्यक्रम सञ्चालन गरिने खप्तडछान्ना गाउँपालिका ४ का वडाध्यक्ष ईश्वर बहादुर रोकायाले जानकारी दिनुभयो खुल्ला पुरुष भलिबल प्रतियोगितामा जिल्लाका २५ टिमको सहभागिता रहेको वडाध्यक्ष रोकायाले बताउनुभयो ।

पुरुष भलिबल तर्फ प्रथम पुरस्कार ६० हजार ४४४, दृतिय पुरस्कार ४० हजार ४४४ र तृतिय पुरस्कार २४ हजार ४४४ रहेको छ अन्य कार्यक्रममा पनि विजेताहरुलाई उचित पुरस्कारको व्यवस्था गरिएको मेला व्यवस्थापन समितिले जनाएको छ । आजबाट उद्धघाटन भएको कार्यक्रम करिब एक हप्तासम्म चल्ने भएको छ ।