सुर्मादेवी मेला : भलिबल प्रतियोगीतामा आज ७ खेल सम्पन्न, बित्थडचिरकी गरिमाको उत्कृष्ट प्रदर्शन

सुर्मादेवी मेलाको अवसरमा नेपाल खेलकुद महासंघ जिल्ला कमिटी बझाङले आयोजनामा गरेको महिला पुरुष भलिबल प्रतियोगितामा आज पनि क्वाटर फाइनल चरणका ७ खेल सम्पन्न भएका छन् । आज दुई वटा महिला र ५ ओटा पुरुष गरि ७ खेल भएका हुन् ।

 आज भएका खेलमा महिला तर्फ मष्टा गाउँपालिका र छबिसपाथिभेरा गाउँपालिकाबीच भएको पहिलो खेलमा छबिसपाथिभेरा गाउँपालिका बिजयी भएको छ भने जयपृथ्वी नगरपालिका र बित्थडचिरबीचको दोस्रो खेलमा बित्थडचिर गाउँपालिका बिजयी भएको छ । यस खेलमा वित्थडचिर गाउँपालिकाका तर्फकी खेलाडी गरिमा बोहराले खराब टिमका बाबजुद उत्कृष्ट प्रदर्शन गर्नुभएको थियो । उहाँका सर्ट र सर्विससामू विपक्ष टिम स्तब्ध बनेको थियो । यस्तै पुरुष तर्फ आज भएको पहिलो खेलमा बित्थडचिर गाउँपालिका र जयपृथ्वी नगरपालिका ३ बीच भिडन्त भएको थियो । यस  खेलमा बित्थडचिर गाउँपालिका जित हात पारेको छ ।

 थलारा गाउँपालिका र जयपृथ्वी नगरपालिका ५ बीचको दोस्रो खेलमा थलारा गाउँपालिका बिजयी भएको छ । त्रिभुवन विश्वविद्यालय र छबिसपाथिभेरा गाउँपालिकाबीचको तेस्रो खेलमा छबिसपाथिभेरा बिजयी भएको छ । यस्तै बि क्युब युथ क्लब छबिसपाथिभेरा र तल्कोट गाउँपालिकाबीच भएको चौथो खेलमा बि क्युब युथ क्लब छबिसपाथिभेरा बिजयी भएको छ । 

पाँचौ खेलमा मष्टा गाउँपालिका र जयपृथ्वी नगरपालिका भिडन्त हुँदा जयपृथ्वी नगरपालिकाले जित हात पार्‍यो । यस खेलमा मष्टा गाउँपालिका र जयपृथ्वी नगरपालिकाले निकै प्रतिस्पर्धा गरेर दर्शकलाई रमाइलो गराएका थिए । भोली पहिलो खेल पूरुष तर्फ जयपृथ्वी बहुमुखी क्याम्पस र थलारा गाउँपालिका हुने आयोजक नेपाल खेलकुद महासंघ जिल्ला कमिटी बझाङले जनाएको छ ।