तल्कोट दशैं मेला : भलिबलमा पुरुष तर्फ एफआरडी क्लब र महिला तर्फ एनके रेष्टुरेष्ट प्रथम

तल्कोट गाउँपालिकामा सञ्चालन भएको दशैं मेला आज सम्पन्न भएको छ । तल्कोट गाउँपालिका -५ खौलास्थित दुर्गाभवानी खेल मैदानमा चार दिनसम्म सञ्चालन भएको दशैं आज सम्पन्न भएको हो । दशैं तथा दिपावलीको अवषर पारि हरेक वर्ष सञ्चालन हुँदै आएको दशैं मेलामा यसपटक महिला पुरुष भलिबल, देउडा प्रतियोगीता र साँस्कृतिक कार्यक्रम आयोजना गरिएको थियो । 

आज महिला पुरुष भलिबलका फाइनल चरणका खेल सकिएसँगै दशैं मेला समापन गरिएको हो । मेलामा पुरुष तर्फ आज भएको फाइनल खेलमा एफआरडी क्लबले र आयोजकलाई हराएर प्रथम स्थान प्राप्त गरेको छ भने आयोजकले दोस्रो स्थानमा चित्त बुझाएको छ । यस्तै तल्कोट ३ को जयनानन वष्टी र तल्कोट १ को सुनिकोटबीच तेस्रो स्थानका लागि भएको खेलमा तल्कोट १ सुनिकोट तृतिय स्थान हात पार्न सफल भएको छ । 

महिला तर्फ एनके रेष्टुरेष्ट ढडार मष्टा ३ र मष्टा ५ बीच भएको फाइनल खेलमा मष्टा ५ लाई हराउँदै एनके रेष्टुरेष्ट ढडार मष्टा ३ प्रथम भएको छ । यस्तै तल्कोट १ सुनिकोट र वडा नम्बर ३ बीच तेस्रो स्थानका लागि भएको खेलमा तल्कोट १ तृतिय भएको छ । यस्तै मेलामा सहभागी देउडा र साँस्कृतिक कार्यक्रम खादा ओडाएर पुरस्कारसहित सम्मान गरिएको छ ।