दुर्गाथलीमा यही कात्तिक १८ गतेबाट क्रिकेट प्रतियोगिता

बझाङको दुर्गाथली गाउँपालिकामा क्रिकेट प्रतियोगिताको हुने भएको छ । डाइनामिक डेब्लोमेन्ट युथक्लब दुर्गाथली गाउँपालिका -१ जुजीले खुल्ला क्रिकेट प्रतियोगिताको आयोजना गरेको हो ।

चाडपर्वलाई लक्षित गरि 'राष्ट्रका लागि खेलकुद स्वास्थ्यका लागि खेलकुद' भन्ने मूल नाराका साथ क्रिकेट प्रतियोगिताको आयोजना गरिएको आयोजकले जनाएको छ ।

प्रतियोगितामा प्रथम पुरस्कार ८५ हजार ५ सय १८ रुपैयाँ नगद सहित ट्रफी र प्रमाणपत्र र द्धितिय पुरस्कार ४० हजार ५ सय १८ रुपैयाँ नगद सहित टफी प्रमाणपत्रको व्यवस्था गरिएको छ । भने टिम दर्ता शुल्क ४ हजार ५ सय १८ रुपैयाँ तोकिएको छ । त्यस्तै म्यान अफ द सिरिज ५ हजार ५ सय १८ , बेष्ट बलर ५ हजार ५ सय १८ , बेष्ट ब्याटम्यान ५ हजार ५ सय १८ का साथै आकर्षक ट्रफी र प्रमाणपत्रको व्यवस्था गरिएको छ ।

टिम दर्ता समय यही १७ गतेसम्म रहेको छ भने,प्रतियोगिता १८ गतेबाट जुजीमा सुरु हुने छ । प्रतियोगिता यलबी डब्लु बाहेक अरु सबै आइसीसी अनुसारको नियममा खेलाइने बताइएको छ ।