बैतडीको सिगास - ९ मा दशैँ तिहारको अवसरमा भलिबल प्रतियोगिता आयोजना हुने 

• राजेन्द्र सिंह साउँद 

बैतडीको सिगास गाउँपालिका - ९ मा विजयादशमी तथा शुभ दीपावलीको पावन अवसरमा हार्दिक मंगलमय शुभ-कामना व्यक्त गर्दै गाउँपालिका स्तरीय भलिबल प्रतियोगिताको आयोजना हुने भएको छ । 

वडा नम्बर ९ गन्सुर स्थित युवा व्यक्तित्वहरुको आर्थिक सहयोग तथा उदयदेव युवा क्लबको आयोजनामा "स्वास्थ्यका लागि खेलकुद, राष्ट्रका लागि खेलकुद" भन्ने मुल नाराका साथ कात्तिक ९ र १० गते उदय माध्यमिक विद्यालयको प्राङ्गणमा गाउँपालिका स्तरीय भलिबल प्रतियोगिताको आयोजना हुने उदयदेव युबा क्लबले जनाएको छ । 

२ दिन सम्म सञ्चालन गरिने भलिबल प्रतियोगितामा सिगास गाउँपालिकाका ९ वटै वडा बाट टिम दर्ता गर्न सकिने जनाइएको छ । टिम दर्ताका लागि ३ हजार शुल्क तोकिएको छ ‌ । ९ गते बिहान सम्म टिम दर्ता गर्न सकिने छ । 

विजयादशमी तथा शुभ दिपावलीको अवसरमा आयोजित भलिबल प्रतियोगिताको प्रथम हुने टिमलाइ २५ हजार ५ सय २५, द्वितिय टिमलाइ १५ हजार ५ सय १५, तृतीय हुने टिमलाई ५ हजार ५ सय ५ र उत्कृष्ट खेलाडीलाइ प्रत्येक विधामा एक खेलाडी लाइ उचित पुरस्कारको व्यवस्था गरिएको आयोजकले जनाएको छ ‌। 

साथै उक्त भलिबल प्रतियोगिता सफल पार्न खेलप्रेमी, समाजसेवी , बुद्धिजीवी, राजनितिक दल, जनप्रतिनिधि अभिभावक सबैमा सक्दो सहयोग गर्न उदयदेव युबा क्लबले अनुरोध समेत गरेको छ ।