त्रिकोणात्मक टी-ट्वान्टी आई सिरिज : आज नेपाल र यूएईबीच प्रतिस्पर्धा

नेपालले त्रिकोणात्मक टी-ट्वान्टी आई सिरिजमा आज युएईसँग खेल्दैछ । खेल बिहान ११ बजे माथिल्लो मुलपानी क्रिकेट मैदानमा सुरु हुनेछ ।

जारी सिरिजमा अपराजित रोहित पौडेल नेतृत्वको नेपाल एक खल अगावै फाइनल पुगिसकेको छ । पछिल्लो समय उच्च कोटीको प्रदर्शन गरिरको घरेलु टोली यस खेलमा पनि आक्रमक क्रिकेट खेल्दै जित निकाल्ने योजनामा हुने छ । नेपालले आफ्नो पहिलो खेलमा युएईलाईनै ७ विकेटले पराजित गरेको थियो भने हङकङलाई क्रमश: ६ विकेट र ७९ रनले पराजित गरेको थियो ।

मोहम्मद वासिमको कप्तानीमा रहेको युएई पनि जितसहित एक खेल अगावै फाइनलको यात्रा तय गर्न चहान्छ । यदि नेपालले युएईलाई पराजित गरे हङकङ र युएई बीचको अन्तिम खेलबाट फाइनल पुग्ने अन्तिम टोलीको टुङगो लाग्ने छ ।

नेपालका ओपनर कुशल भुर्तेलले यस सिरिजमा क्षमता अनुसार प्रदर्शन गर्न सकेका छैनन् । टी-ट्वान्टी आई विश्वकप एसिया क्षेत्र छनोटअघि उनी लयमा फकर्नु नेपालका लागी आवश्यक छ । नेपालका अन्य खेलाडीहरुले भने राम्रो प्रदर्शन गरेका छन् ।

आक्रमक ब्याटर कुशल मल्लले सर्वाधिक रन बनाएका छन् । उनले ३ खेलका १ सय ४ रन बनाएका छन् । ९१ रन बनाएका दिपेन्द्र सींह ऐरी तेस्रो स्थानमा छन् । दोस्रो स्थानमा रहेका हंङकङका बाबर हायातले पनि ९१ रन बनाएका छन् । करण केशीले ९ र सोमपाल कामीले ५ विकेट लिएका छन् । नेपाली मध्यम तिव्र गतिको यो जोडी सिरिजमा सर्वाधिक विकेट लिने बलरको शीर्ष र दोस्रो स्थानमा छन् ।

कप्तान मोहम्मद वासिम, भृत्य अरविन्द र आसिफ खान युएईका प्रमुख ब्याटर हुन् । जहुर खान, मोहम्मद जवादुल्लाह र जुनैद सिद्दिकले युएईको बलिङ आक्रमणमा मजबुधी थप्दै आएका छन् । टी-ट्वान्टी विश्वकप २०२४ का प्रवल दावेदार दुवै टोलीले यस सिरिजलाई एसिया क्षेत्र छनोटअघिको अन्तिम तयारीको रुपमा लिएका छन् ।