कोरोना संक्रमित थप ३५ जनाको मृत्यु, झन्डै पाँच हजार संक्रमित थपिए

पछिल्लो २४ घन्टामा कोरोना संक्रमित ३५ जनाको मृत्यु भएको छ । स्वास्थ्य तथा जनसंख्या मन्त्रालयले बिहीबार साँझ सार्वजनिक गरेको सूचनाअनुसार थप ३५ जनाको मृत्यु भएको छ भने चार हजार आठ सय ३१ जना संक्रमित थपिएका छन् । २४ घन्टाको बीचमा आठ सय ८८ जना कोरोनामुक्त भएका छन् । 

योसँगै कोरोना संक्रमित हुनेको संख्या तीन लाख १७ हजार पाँच सय ३० पुगेको छ । संक्रमितमध्ये दुई लाख ८० हजार एक सय ६७ जना निको भएका छन् भने तीन हजार दुई सय ४६ जनाको मृत्यु भएको छ ।