यस वर्षको ‘मितेरी गंगादेवी शान्ति पुरस्कार’ बझाङकी गंगुदेवीलाई पनि प्रदान गरिने

यस वर्षको ‘मितेरी गंगादेवी शान्ति पुरस्कार’ बझाङकी गंगुदेवी खडायतलाई प्रदान गरिने भएको छ ।
पुरस्कार छनौट समितिकी संयोजक सम्झना पौडेलको संयोजकत्वमा आइतबार एक्सन वर्क्स नेपालको मुख्य कार्यालयमा बसेको बैठकले उक्त निर्णय गरेको हो ।

बझाङकी खडायतले जिल्लामा पहिलो पटक हलो जोतेकी थिइन् । त्यसपछि उनी महिलाको हक हितको लागि, समाजमा शान्ति स्थापना, महिला हिंसाविरुद्धको अभियानमा लाग्दै आएकी छन् । पुरस्कारबापतको २ लाखमा पौडेलले एक लाख थपेर ३ लाख रुपैयाँको कोषको व्याजबाट हरेक वर्ष ‘मितेरी गंगादेवी शान्ति’ पुरस्कार प्रदान गर्दै आएकी छिन् ।

एक्सन वर्क्स नेपालका संस्थापक अध्यक्ष राधा पौडेलको पुस्तक ‘खलंगामा हमला’ ले २०७० सालमा मदन पुरस्कार पाएको थियो ।

उक्त पुरस्कार राशीमा एक्सन वक्र्स नेपालले एक लाख रुपैयाँ थपेर पौडेलको आमा गंगामाया र बुबा देवी पौडेलको सम्झनामा पुरस्कार कोष स्थापना गरेको थियो । सोही रकमबाट आउने ब्याजबाट पुरस्कार प्रदान गरिँदै आइएको छ ।

 यस वर्ष बझाङकी गंगुदेवी खडायतसँगै कालीकोटका हिक्मतजंग मल्ल
, काठमाडौं स्थायी घर भई हाल जुम्लामा कार्यरत डाक्टर सुवी बस्नेतलाई प्रदान गरिने भएको छ ।
संस्थाले प्रत्येक वर्ष स्थानीय स्तरमा शान्ति स्थापनाका लागि योगदान पुर्‍याउने व्यक्तिलाई उक्त पुरस्कार प्रदान गर्दै आएको छ ।

 गत वर्ष उक्त पुरस्कार कालीकोटका कालीबहादुर शाही, जुम्लाकी गाँडे नेपाली र जुम्लाकै मिनराज शर्मालाई प्रदान गरिएको थियो ।