सेतीले कटान गर्दा पौडीबजार र थलारा जोड्ने झोलुङ्गे पुलमा जोखिम बढ्यो

सेती नदीमा पानीको बहाब बढेसँगै केदारस्युँ ९ पौडीबजार र थलारा गाउँपालिका जोड्ने झोलुङ्गे पुल जोखिममा परेको छ । पुल जोखिममा हुँदा यात्रु तथा स्थानीयलाई झोता बजार आवतजावत गर्न शास्ती हुन थालेको छ ।

झोलुङ्गे पुलको मुनीबाट सेती नदीले अघिल्लो वर्ष र यस वर्ष दुबै तर्फ कटान गरिरहेकाले वारपार गर्ने स्थानीय त्रसित बन्न थालेका हुन् । 

यस वर्ष पनि दुबैतिर कटान भइरहेकाले पुल कमजोर बनेको थलारा गाउँपालिका अध्यक्ष प्रकाश रोकायाले बताउनुभयो । उहाँले भन्नुभयो,'पुलको दुबै तर्फ सेतीले कटान गरेको छ । वारिपारीका लठ्ठा कटान निकै कमजोर छ । यस्तै अवस्था आइरहे पुल आवतजावतमा रोक लगाउनुपर्ने हुन सक्छ ।' 

पौडीबजारबाट थलारा तर्फ जाने  थलारा ३ र ४ का बासिन्दाको मुख्य बजार झोतामा आवतजावत गर्न समस्या भएको स्थानीय सुर्य जोशीले बताउनुभयो ।