केदारस्युँ–८ मा बिद्युत सेवा अबरुद्ध,स्थानियहरु अध्याँरोमा बस्न बाध्य ।।

लगातारको वर्षाका कारण गएको पहिरोले केदारस्युँ –८ मा रहेको एक पावर हाउँसमा पुर्ण रुपमा क्षति पुर्याएको छ । केदारस्युँ गाउँपालिका वडा नम्बर–८ गण्डकी बजारमा रहेको गण्डकी गाड लघुजल बिधुतको पावर हाउँसमा लगातारको वर्षाका कारण गएको बाढीपहिरोले क्षति पुयाएको हो । यो भन्दा अघिल्लो सालमा पनी पावर हाउँसको भवन सोहि खोलाले पुर्णरुपमा बगाउदा लामो समय बिधुत अवरुद्ध भएको थियो । यो साल पनी फेरी खोलाका बाढी आउँदा पावरहाउसको भवनमा क्षसत पुगेर विद्युत सेवा अवरुद्य भएको छ ।

केदारस्युँको –८ नम्बर वडा मात्रै नभएर दुर्गाथली गाउँपालिका –६ का समेत दुई तिन टोलहरु लाभान्भित रहेको विद्युत अवरुद्य हुँदा स्थानियहरु अहिले अन्धकारमा बस्न बाध्य भएका छन् । स्थानीयका उक्त गण्डकी खोला आसपासका केहि खुद्रा पसल, पानीघट्ट, नहर, खोनेपानी र खेतहरु पनी बाढीले लगेको छ बगाएका छन । उक्त वडाकै दूनीधारीमा वीर बहादुर बोहरा लगाएतका  घरहरु पनि उच्च जोखिममा परेका छन् ।

पहिरोले खानेपानीका मुहान सहित बगाएपछि बोहारा परिवारलाई खानेपानीको निकै समस्या भएको छ । त्यस्तै बुंगल नगरपालिका १ गोईचन गाउँको  खानेपानिको मुहानको टेङ्कि सहित बिधालयको खानेपानि टेङ्कि बगायर गाउँमा पानीको सारै समस्या भएको छ । बर्षाले वडा कार्यालय ,स्वास्थ्य चौकी , स्थानीय बजार जाने बाटो  बगायर ८० भन्दा बढी घरपरिवार लाई समस्या परेको स्थानिय राम बोहराले बताउनु भयो । खानेपानिको मुहान नै बगाएपछि अहिले गाउँमा खानेपालिको समस्या भएको र  गाउँ भन्दा एक घण्टा टाढाबाट पानी बोकेर खानु पर्ने भएपछि स्थानियलाई सास्ती भएको छ।

साथै  बाढीले पौडी देखि गोइचन मराड पर्यटन सडक पनि बगाको छ । खाने पानीको समस्या समधानका लागि बङ्गल नगरपालिका  र बडा कर्यालयलाई जानकारी गराएको भएपनि अहिले सम्म सुनुवाई नभएको बताइएको छ । हिजोआज सेती नदी लगाएत अन्य सानाठुला खोलाहरुमा नदीको बहाव उच्च भएपछि स्थानियहरु त्रसित भएका छन् ।