बझाङबाट महेन्द्रनगर तर्फ हिडेको बस ठूलो दुर्घटना हुनबाट जोगियो

साघुँरो सडकका कारण बझाङबाट महेन्द्रनगर तर्फ गइरहेको महाकाली यातायात समितिको बस साइड दिने क्रममा ब्रेक प्रेसर पाइप फुट्दा ठूलो दुर्घटना हुनबाट जोगिएको छ । जयपृथ्वी राजमार्ग अन्तर्गत बित्थडचिर गाउँपालिका ८ स्थित मेल्थुम रिसोर्ट माथिको मोडमा दुर्घटनामा परेर सडक भित्तामा ठोक्किएको हो । उकालो सडक चढ्ने क्रममा ब्रेकको प्रेसर पाइप फुटेर बस सडकको भित्तामा ठोकिएको अस्थाई ट्राफिक पोष्ट बाग्थलाले जनाएको छ ।

चैनपुरबाट महेन्द्रनगर तर्फ गइरहेको सुपप्र ०२ ००१ ख १००३ नम्बरको दिवा सेवाको बस केहिबेर अघि दुर्घटनामा पर्दा ११ जना सामान्य घाइते भएका छन् । घाइतेहरुको देउलेख प्राथमिक स्वास्थ्य केन्द्र देउलेखमा उपचार भइरहेको छ । उक्त बसमा सवार यात्रु अहिले बिच बाटोमा अलपत्र परेका छन् । बसमा ३३ जना यात्रु रहेको जनाइएको छ ।