बझाङमा एकै दिन २६ जनामा कोरोना संक्रमण पुष्टि, कोरोना संक्रमितको संख्या ८३ पुग्यो

बझाङ : बझाङमा एकै दिन २६ जनामा कोरोना संक्रमण पुष्टि भएको छ । मंगलबार जिल्ला अस्पतालमा ५६ पुरुष र ३३ महिला गरि ९८ जना, खप्तडछान्ना गाउँपालिकामा ११ जना पुरुष र बित्थडचिर गाउँपालिकामा २० पुरुष र ५ महिला गरि २५ जनाको एन्टिजेन विधिबाट परिक्षण गरिएको थियो । १ सय २५ जनामा एन्टिजेन विधिबाट परीक्षण गर्दा २६ जनामा संक्रमण पुष्टि भएको हो ।

जिल्ला अस्पतालमा गरिएको परिक्षणमा १७ जना, खप्तडछान्नामा गरिएको परिक्षणमा ४ र वित्थडचिर गाउँपालिकामा गरिएको परिक्षणमा ५ जना गरि एकै दिन २६ जनामा कोरोना संक्रमण पुष्टि भयको जिल्ला अस्पताल बझाङका कोरोना सम्पर्क व्यक्ति नारायण जोशीले बताए । उनका अनुसार शंकास्पद र स्वास्थ्य समस्या भएका व्यक्तिहरूको एन्टिजेन विधिबाट परिक्षण गरिएको हो । बैशाख महिना सुरु भएसँगै २ सय ५८ पुरुष र १ सय ३२ महिला गरि ३ सय ९० जनामा भएको परिक्षणमा ८३ जनामा कोरोना संक्रमण पुष्टि भएको छ ।