बझाङमा पाँच दिनदेखि ठप्प लामो दुरीका सवारी साधन विहिबारबाट नियमित सञ्चालन हुने

बझाङ : बझाङमा लामो दुरीका सवारी साधनहरु भोली विहिबार देखि सञ्चालन हुने भएका छन् । नयाँ भाडादरको विषयमा यातायात व्यवसायिहरुसँग सहमती भएपछि पाँच दिन देखि बन्द भएका लामो दुरीका सवारी साधनहरु भोली देखि सञ्चालन हुने भएका हुन् ।

केहिदिन अघि प्रदेश सरकारले प्रदेशका विभिन्न जिल्लामा चल्ने लामोदुरीका सार्वजनिक सवारी साधनको नयाँ भाडादर तोकेको थियो । जसअन्र्तगत धनगढीदेखी बझाङसम्मको भाडा एक हजार ४१ रुपैयाँ तोकिएको थियो । तर यातायात व्यवसायीहरुले भने पुरानै भाडा एक हजार दुई सय ५० रुपैयाँ लिन पाउनुपर्ने भन्दै आन्दोलित भएका थिए ।

आज भएको नयाँ सहमती अनुसार प्रदेश सरकारले जारि गरेको भाडा दर लागु नगरेर अव प्रतिकिलोमिटर ४ रुपैयाका दरले कायम गर्ने सहमति भयपछी अवरुद्द यातायात भोलि विहानवाट सञ्चालन हुने प्रदेश ट्राफिक प्रहरी अत्तरीयाले जनाएको छ ।

पाँच दिनदेखि सार्वजनिक सवारी साधनहरु पुर्ण रुपमा बन्द भएपछि जिल्ला आउने र बाहिर जाने यात्रुहरु भने समस्यामा परेका छन् ।