एम्बुलेन्स र मोटरसाइकल दुर्घटनाको विषयमा सहमति नहुँदा जयपृथ्वी राजमार्ग हिजोदेखि ठप्प

बझाङ : जयपृथ्वी राजमार्ग अन्तर्गत वित्थडचिर गाउँपालिका स्थित चिसापानी मोडमा एम्बुलेन्सले मोटरसाइकललाई ठक्कर दिदा ज्यान गुमाएका युवकका आफन्तहरुले अवरुद्ध गरेको सडक अझै खुल्न सकेको छैन । हिजो मंगलबारदेखि राजमार्ग अवरुद्ध हुँदा जिल्ला आउने र जिल्लाबाट जाने लामो तथा छोटो दुरीका सवारीसाधन ठप्प भएका छन्  ।

त्यस्तै यात्रुहरु समस्यामा परेका छन् । हिजो देखि नै छलफल भैरहेको भए पनि अहिलेसम्म राजमार्ग खुल्ने निश्चित नभएको र अहिले पनि सहमतिको प्रयास भैरहेको जिल्ला प्रहरी कार्यलय बझाङका सुचना अधिकारी रमेशदत्त अवस्थीले बताउनुभयो ।

मंगलबार दिउँसो देउलेख प्राथमिक स्वास्थ्य केन्द्रको एम्बुलेन्सको ठक्करबाट मोटरसाइकल चालक स्थानीय २३ वर्षिय गोविन्द महरको ज्यान गएको थियो ।