दुर्गाथली १ जुजीमा शनिबारबाट सुरु भएको भलिबल प्रतियोगीता आज सम्पन्न

दुर्गाथली गाउँपालिका र गतिशील विकास युवा क्लबको संयुक्त आयोजनामा शनिबारबाट दुर्गाथली एक जुजीमा सुरु भएको भलिबल प्रतियोगीता आज सम्पन्न भएको छ । चौधारी मेलाको अवषरपारी यही चैत २५ गते शनिबारबाट सुरु भएको वडास्तरिय भलिबल प्रतियोगीता आज सम्पन्न भएको हो ।

१६ टिम सहभागी प्रतियोगीतामा प्रथम केपी सर्वेसिङ सेन्टर छबिसपाथिभेरा १, द्धितिय गतिशील विकास युवा क्लब दुर्गाथली १ र तृतिय जनप्रिय मावि बगडगाउँ भएका छन् ।

प्रतियोगीतमा प्रथमलाई तीस हजारसहित कप, मेडल र प्रमाणपत्र  दोस्रोलाई बीस हजारसहित कप, मेडल र प्रमाणपत्र, तेस्रो दस हजारसहित कप, मेडल र प्रमाणपत्र प्रदान गरिएको छ ।

क्लवका अध्यक्ष निशान खातिको अध्यक्षतामा सञ्चालन भएको समापन कार्यक्रममा प्रमुख अतिथि वडा नम्बर १ अध्यक्ष अम्मराज धामी, बिशिस्ट अतिथि नेकपा एमाले जिल्ला कमिटीका सदस्य महेश प्रसाद जोशी, बझाङदिप  क्याम्पस झोता स्वभियु सभापति कमल थापा रहेका थिए भने कार्यक्रमको सञ्चालन आकाश खातिले गर्नुभएको थियो ।