जलवायु मैत्री कृषि प्रविधि तथा गड्यौंला मल बनाउनेबारे अभिमुखीकरण कार्यक्रम सम्पन्न

युनाईटेड मिसन टु नेपाल तथा दलित सहयोग समाज बझाङको साझेदारीमा बुंगलमा सञ्चालित जलवायु मैत्री कृषि प्रविधि तथा गड्यौंला मल बनाउने तरिकाबारे २ दिने अभिमुखीकरण कार्यक्रमको बिहीबार समापन भएको छ । 

युनाईटेड मिसन टु नेपाल तथा दलित सहयोग समाज बझाङको साझेदारीमा सञ्चालित वातावरणीय दिगोपनाका लागि जलवायु प्रभाव न्युनिकरण तथा अनुकुलन परियोजना द्वारा बुंगल नगरपालिका वडा नं ४ स्थित सुल्मा भवानि महिला कृषक समुहका पदाधिकारीहरुलाई जलवायु मैत्रि कृषि प्रविधि तथा गड्यौंला मल बनाउने तरिकाबारे २ दिने अभिमूखिकरण कार्यक्रमको दलित सहयोग समाजका अध्यक्ष मोहनलाल बि.क. को अध्यक्षतामा कन्या मावि बटुलसेरामा सञ्चालित कार्यक्रम बिहीबार समापन भएको हो ।

 कार्यक्रममा सुल्मा भवानी महिला कृषक समुहका २७ जना सहभागी थिए भने कार्यक्रमको प्रशिक्षण पुष्कर बहादुर मल्ल र पुर्ण बहादुर बोहराले गर्नुभएको थियो । अभिमुखिकरण कार्यक्रममा दिनानु दिन भइरहेको जलवायु परिवर्तनका कारण मानव जीवन र कृषि प्रणालीमा परेको असरका बारेमा प्रशिक्षण गरिएको थियो । प्रशिक्षकले कसरी जलवायु मैत्री कृषि प्रविधि अपनाउने भन्नेबारे सहभागी कृषकलाई प्रकाश पार्नुभएको थियो । प्रशिक्षणका क्रममा गड्यौंला मल कसरी बनाउने भनेर अभ्याससहित गड्यौंला मल राखिएको थियो । यही फागुन ३ र ४ गते दुई दिन सञ्चालित उक्त कार्यक्रमको सञ्चालन परियोजनाका कृषि प्राविधिक लोकेन्द्र बहादुर रोकायाले गर्नुभएको थियो ।