खप्तडछान्ना गाउँपालिकामा निशुल्क आँखा शिविर संचालन हुने

बझाङ : जिल्लाको खप्तड छान्ना गाउँपालिकामा निशुल्क आँखा शिविर संचालन हुने भएको छ । खप्तडछान्ना गाउँपालिका र च्यारिटी हेल्थ फाउन्डेसन नेपालद्वारा संचालित खप्तडछान्ना आँखा उपचार केन्द्रले यहि पुष ११÷१६ गतेसम्म गाउँपालिकाका ७ वटै वडाहरुमा निशुल्क आँखा शिविर संचालन गर्न लागेको हो ।

उक्त शिविर अन्र्तगत पुष ११ गते वडा नं १ को पौवागढी स्वास्थ्य चौकि, १२ गते वडा नं २ को लामातोला स्वास्थ्य चौकि, १३ गते वडा नं ३ को आधारभुत स्वास्थ्य केन्द्र लम्तडा, १४ गते वडा नं ५ को कालुखेती स्वास्थ्य चौकिमा शिविर सञ्चालन हुने भएको छ । यस्तै पुष १५ गते वडा न ६ को पाटादेवल स्वास्थ्य चौकि र १६ गते वडा नं ७ को गडराय स्वास्थ्य चौकिमा शिविर सञ्चालन हुने छ ।

शिविरमा आँखाको चेकजाँच, अप्रेसन र चस्मा उपलब्ध गराउने लगायतका स्वास्थ्य सेवा प्रदान गरिने खप्तडछान्ना स्वास्थ्य चौकी प्रमुख शिवशंकर जोशीले बताउनुभयो । गाउँपालिकामा आँखाको समस्या देखिएका धेरै बिरामी भएका कारण स्थानीयस्तरमै सेवा दिने उद्देश्यले शिविर आयोजना गरिएको बताईएको छ ।खप्तडछान्ना बासीलाई समयमै सेवाको मौका दिन अनुरोध गरिएको छ । स्थानीयस्तरमै शिविर सञ्चालन हुने भएपछि स्थानीयवासी खुशी भएका छन् ।

खप्तडछान्ना स्वास्थ्यचौकिमा दुई महिना अगाडी पनि आँखा शिविर सञ्चालन भएको थियो । उक्त २ दिने निशुल्क आँखा शल्यक्रिया तथा उपचार शिविरमा करिब ६ सय २२ जना आँखाका बिरामीले सेवा लिएका थिए ।