नगरपालिकालाई बालमैत्रि तथा अपाङ्गमैत्रि बनाउन आवश्यक : नगरप्रमुख बजाल

बझाङ: जयपृथ्वी नगरपालिकामा नगरस्तरीय बालमैत्री स्थानिय शासन समितिको बैठक तथा अन्तरक्रिया कार्यक्रम सम्पन्न भएको छ । प्रगतीशिल युवा समाज र वल्र्ड भिजनको आर्थिक सहयोग तथा जयपृथ्वी नगरपालिकाको आयोजनामा आज सदरमुकाम चैनपुरमा अन्तरक्रिया कार्यक्रम सम्पन्न भएको हो । जयपृथ्वी नगरपालिकाका नगर प्रमुख चेतराज बजालको अध्यक्षतामा सञ्चालन भएको कार्यक्रममा नगरपालिकाका नि. प्रमुख प्रशासकिय अधिकृत नैन बहादुर सिहँ प्रमुख अतिथि रहनुभएको थियो ।

यस्तै अतिथिमा जयपृथ्वी नगरपालिकाका सबै वडाका वडाध्यक्षहरु, प्रगतीशिल युवा समाजका कार्यकारी अधिकृत लवराज जोशी, नगरपालिकाका कार्यपालिका सदस्यहरु,बालकक्षा शिक्षिका,सञ्चारकर्मि लगाएत सबै सरोकारवालाहरुको उपस्थिती रहेको थियो । नगरपालिकालाई कसरी बालमैत्रि बनाउन सकिन्छ भन्ने सल्लाह सुझाव लिन एवम् नगरपालिकालाई बालमैत्रि बनाउन कस्को भुमिका के रहन्छ भन्ने उद्येश्यले उक्त अन्तरक्रिया कार्यक्रम गरीएको प्रगतीशिल युवा समाजका कार्यकारी अधिकृत लवराज जोशीले बताउनुभयो ।

बालमैत्री स्थानिय शासन बनाउन नगरपालिकाको एउटा वडाबाट काम शुरु सुरु गर्ने तथा वडाभित्रका सम्पुर्ण बालबालिकाहरुको प्रोफाइल तयार गर्नुपर्ने पनि अधिकृत जोशीले बताउनुभयो । यस्तै नगरपालिकालाई बालमैत्रि बनाउनु आफ्नो पहिलो प्रथामिकतामा रहेको नगर प्रमुख चेतराज बजाले बताउनुभयो । विद्यालयमा अध्ययन गर्ने सबै बालबालिकाहरुसँग बालकक्षा शिक्षकहरुनै बढि नजिक रहने भएको तर बालकक्षा शिक्षकहरुले नै भने अनुसार तलब नपाउने व्यापक गुनासो बढेको समयमा बालकक्षा शिक्षकहरुको मनोबल उच्च पार्न आफु निर्वाचित भए लगत्तै उक्त शिर्षकमा बजेट बिनियोजन गरेको पनि मियर बजालले बताउनुभयो ।

यस्तै नगरलाई समृद्ध बनाउन बालमैत्रि मात्र नभएर अपाङ्खमैत्रि,दलितमैत्रि बनाउन आवश्यक रहेकाले यस विषयमा आफु संवेदनशिल भएर लागिरहेको र  यस बिषयमा एउटै पक्षलेमात्र लागेर सम्भव नहुने भएकाले आगामि दिनहरुमा सबैले हातेमालो गरेर अगाडी बढ्नुपर्नेमा उहाँले पनि जोड दिनुभयो ।