नेश्नल लाइफ इन्स्योरेन्स कम्पनी बझाङ शाखाद्धारा बीमा सम्बन्धी सचेतना कार्यक्रम

बझाङ: नेश्नल लाइफ इन्स्योरेन्स कम्पनीको बझाङ शाखाले बझाङ जिल्लाको दुइ वटा विध्यालयमा बीमा सम्बन्धी सचेतना कार्यक्रम गरेको छ । जयपृथ्वी नगरपालिकाको भोपुरमा रहेको सत्यवादी माध्यामिक विध्यालय र केदारस्युँ गाँउपालिकाको झोतामा रहेको भैरव माध्यामिक विध्यालय झोतामा बीमा सम्बन्धी सचेतना कार्यक्रम गरेको छ ।

बीमा सम्बन्धी सचेतना विस्तार गर्ने, बीमा दाबी सम्बन्धी समस्याहरु छिटो निराकरण गर्ने उदेश्य राखी कार्यक्रम आयोजना गरिएको नेश्नल लाईफ ईन्इस्योरेन्स कम्पनि लि. बझाङ शाखाका प्रमुख बसन्त प्रसाद खत्रीले जानकारी दिनुभयो । उक्त कार्यक्रममा विध्यार्थी र शिक्षकहरुको उपस्थिति रहेको थियो ।

कार्यक्रमका वक्ताहरुले बीमा सम्बन्धी अनुभव, बीमा दावी सम्बन्धी गुनासो, यस्तो कार्यक्रम सदरमुकाममा मात्र नभएर गाउँ गाउँमा गर्नुपर्ने आदि विचार राखेका थिए । साथै उक्त कार्यक्रममा दुबै विध्यालयका सबै शिक्षकहरुको म्यादी विमा बनाउनुका साथै, विध्यार्थीहरुलाई टिसर्ट, शिक्षकलाई डायरी उपलब्ध गराएको छ । आफुलाई बाल्यकालमा अध्यापन गराएको भन्दै सत्यवादी विध्यालयका ब्यवस्थापन समिती अध्यक्ष रहनुभएका इश्वरनाथ जोशीलाई इन्स्योरेन्सका कार्यकारी प्रमुख अधिकृत सुरेस प्रसाद खत्रीले दोसल्ला ओडाएर सम्मान पनि गर्नुभएको छ ।